قصه ولا اروع

السلام عليكم

هذي القصة اتمنى تعجبكم


تفضلوووووووووووووووووووووووووووووووووووووا


كنت نايم.. وبعالم الأحلام هايم..
مادري في شو كنت أحلم
مره احس انـي اسوق سياره..
ومره اقول كنت مضيف طياره..
كان الجو بارد..
وكنت متغطي وشارد..


رن التلفون
وقلت ياترى من يكون ؟؟؟؟؟
هذا المزعج هل هو صديق ولا مزيون.. ؟
هل هو عاقل ولا مجنون ؟؟؟
رديت عـليهه وانـا كلي شك وظنون
وبـرقه بعـد ماكنت عصبي انـا انسان حنون..


سمعت صوت ماتوقعته.. :
ولا في خيالي تخيلته..
ولا حتى بحلمي سمع

قلت هلا
وقالت اهـلي..
ه ؟
مـوهنا نـورة

قلت وأنا صوتي رايح فيها..
لحظه شوي بناديها..
وجلست أصوت واقول نـوره .. يامن نـوره يلاقيها..
ورديت للسماعه وقلت مادري ويـن راحت الـله يهديها..


بس دقيقة ماعندنا نـوره
وبادر البنت خوف
قالت آسفه غلطانه..
قلت ولا يهمك عـادي لا تكونين زعلانه
مايهم اذا ماعندنا بالاسم فلانه..


قالت شكلك كنت نايم..
قلت لا.. توني قايم..
قالت تدرس


قلت الدراسه خـلاص
قلت الدراسه باح..
شكلك تدرسين ؟؟
كيف اختباراتك؟؟ عسى أنكم مرتاحين..
قالت باقي لنا يومين ونخلص
وخايفه والله من مادتين..
قلت من الاختبارات لآ تخافين..
دامك الليل تذاكرين..
وعلى الــله تعتمدين..
واللي يزرع جح ( بطيخ ) ما يحصد يقطين..
أهم شـي انك ماتنسين..
قبل الاختبار الـله تدعين..
ومن إبليس تتعوذين……..
خلقه من نار وخلقنا من طين.. وجلسنا نسولف في أمـور..
من شو اسمك الين غلاء المهور

قالت اسمي (ود) وقلت لها انا محمد..
وقالت صدفه غريبه اسامينا فيها دال..
تصدق كنت اتمنى يسموني نوال!!
تصدقين وانا كنت اتمنى يسموني جمال


وجلسنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..



وبدلع..قالت أنت تشجع النصر؟؟


قلت في قلبي.. مادري أجاوبك بكف ولا بنعال..
بالله عليك هذا سؤال؟؟


قلت أنا هلالي.. وما يهمني القيل والقال.. << احلى
هذا الكوماندوز هذا حبه طاح في القلب ولا ينشال..
والشمس مايغطيها مشخال..


قالت شمعنى الهلال!!..
قلت يا بنت.. الهلال فن ولعب ويفوز باللي حضر..
وجمهوره له كلمة وامر..
يابنت..لا تغريني بالكثير..
لو تضربين مليون بصفر تساوي صفر.. << احم


و حتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..


قالت.. محمد..
قلت آمري يا ود..
قالت اوصف لي شكلك..


هذا وين توهقنا..
شوفي العرب لونهم واحد
ولسانهم واحد.. واحلف بالله ولا غيره أحد
أني ماني طويل ولا قصير..
شعري ناعم مثل الحرير..


قالت والعيون..
قلت العيون شبرين في ثلاثه اشبار
قالت اسد..
قلت شكرا يا احلى شهد


المهم ان تواعدنا..
والموعد باجك في المول قررنا..
بين خوف وامل تواعدنا..


وقضيت ليلتي في حيرة..
وش البس؟؟ جنز ولا كندوره والله حيرة..
مافي غيرها يفك الحيرة.. شيشه و تعميرة..



ورجعت للبيت اعاتب امسي وابتسم لغدي..


وبصعوبة نمت.. قعدت اتقلب وون..
يا قلبي قلي شو اللي من الحب اهون؟؟


غريبه هالدنيا غريبة..



وراحت ليلتي.. وزادت بلوتي..
اليوم موعدي.. انا والحب بنلتقي..


وكشخت
لبست فوق راسي غترتي..
في مكان اللقاء تغيرت حتى خطوتي..
صرت ارتجف واترنح بمشيتي..
كائني انساق للموت وهاذي نهايتي..


مب سوالف شجاعة.. هذي اكبر بطولاتي..
ايذا خسرت بتضيع احلى امنياتي..
جلست ادور والف وحول المكان اطوف..
وين هذيك العين اللي عليها قلبي ملهوف..
ود؟؟ ياليت الناس تجي وتشوف..






وفجاءة..




وصلني مسج..
يقول..
سويتها فيك
رد بيتكم وخل عنك هسوالف ياتـعبان



روح نام ..
تعيش وتاكل غيرها
و سويتها فيك ..







:المرسل









أمك





لكم مني أجمل تحية


واتمنى عجبتكم القصة


نشوف الردود

مشكووووووووووووره ع القصه الحلوه ..ههههه

العفو اختي الغاليه ماقصرتي والله يعطيك العافيه على الردود الحلوه

يسلموووووووووووووووووووووووووووووووووووو
على القصة الروعة مرررررررة حلوة عجبتني

العفو

مشكوره ريموه القموره